Tappe
L´amore principia à sfiatà si
Corre corre in le mo vene
Ma cerca una sbuccata
A tenerezza si capula
Trica trica di più in più
À intreccià i nostri bracci
L´allegria si cancella
Pone pone vicin´à noi
Quelle stundette viutate
U rigrettu s´indernizeghja
Pichja pichja à a to porta
L´anticu reiu lacrimosu
A tristizia annigrisce
Cotra cotra i ricordi
À petrificà altre gioie
U penseru dice di sì
Sbuccia sbuccia e parolle
Di li detti longhi è pisii
A speme forse falerà
Ghjoca ghjoca per una stonda
Un pezzu musicale à l´altri
L´avvene ci insegnerà
Corre corre à cant´à noi
Cù altre lezziò scrivacciulate
(maghju di u 2001)
Cuncezzione Emmanuel LECA© 2006