Aspettà
I rasgi stanchi d´un ghjornu chì si ne và
U lagnu pisiu di tanti zitelli minati
U silenziu chì tona quandu ùn si pò sunnià
Quandu tuttu tace simu liberati
Bazzicatu da l´inguernu un luciore d´amore
A mo fede ruzzicatu da un abbissu sbaffatu
I penseri parechji l´avemu tutti in core
Quelli chì maturanu dopu à u mumentu beatu
I visi scurdati chì ribombanu in a mente
U sonniu di vive strinte sempre ricuminciate
Tante stonde chì à ognunu li ponu sbuccià
Tutte ste stonde chì una sera ci face aspettà
Tante stonde chì à ognunu li ponu sbuccià
Tutte ste stonde chì una sera ci face aspettà
Issi detti incatenati chì ùn sò mancu nati
Issi sguardi arrutati chì sò cusì vigliacchi
Isse inferme chjame indù i lumi cascati
Issi morsi di u rigrettu ci lascenu fiacchi
Issu omu solu l´anu messu à mezu à u viotu
Isse lacrime tranquille scollanu indù l´inguernu
Isse idee micca ingrandate danu un omu discioltu
Cum´è quellu ideale chì s´hè sarrattu ab eternu
Isse persone tenute d´amore o dèamicizia
Isse brame superbe chì ci feranu sperà
Tante stonde chì à ognunu li ponu sbuccià
Tutte ste stonde chì una sera ci face aspettà
Tante stonde chì à ognunu li ponu sbuccià
Tutte ste stonde chì una sera ci face aspettà.
(ghjennaghju di u 2004)